大埔拉麵店推放題優惠 加$20任食叉燒/溏心蛋+$1隻雞翼
大埔美食以炸髀、豬扒麵最負盛名，其實區內有不少平靚正餐廳被忽略。位於太和消防局對面的「麵屋 元祖達摩」拉麵店推出新優惠，加$20就可以無限追加拉麵配料，更可以任歎$1雞翼！
達摩現時供應10款拉麵，可以自行選擇麵底、叉燒、配料，最平的豚骨醬油拉麵及味噌拉麵只需$58，記者精選以下3款口味：
北海道3.6牛乳拉麵（$83）配豚腩叉燒，頂層配料有黑松露、蟹籽、荀、紫菜、香蔥。
湯底黑松露味突出，略掩蓋牛乳味。
粗曲麵口感彈牙，份量頗多。
豚腩叉燒有3片，肉質較軟腍。
溏心蛋酒味重。
櫻花蝦味增拉麵（$78）配豚肩叉燒，頂層配料有荀、紫菜、香蔥。
櫻花蝦味濃，較鹹香。
幼麵較快變腍，不夠爽口。
豚肩叉燒有3片，肉質結實，較豚腩大片。
豚骨拉麵（$65）配豚角煮（即厚切腩肉），頂層配料有荀、紫菜、香蔥。
豚骨湯底相對不膩，帶有鮮味。
豚角煮有1片，偏厚實，沒有普通豚腩般腍。
全枱每人加$20即可無限追加配料，加麵、加叉燒、加溏心蛋都得，加湯除外，優惠只限星期一至五。
凡選擇無限追加配料，均可加碼用$1追加鹽燒雞翼，數量不限。
但雞翼反應熱烈，可能有供不應求的情況出現，要先向店員詢問。
另可加$38無限任飲啤酒、果汁和汽水，招牌梳打飲品除外。
啤酒有3款選擇，果汁亦有多至6款。
【精選推介】
活動資訊
- 地址 大埔太和路15號太和中心地下12號舖
- 人均消費$51 - $100
- 聯絡電話23611112/23611116
- 開放時間12:00 - 22:00
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
