黃心穎突襲復出轉戰自資做跳唱歌手 神隱近4年IG刪舊照試水溫出新歌《Crown Me》
黃心穎自「安心事件」後形象直插地核，演藝事業一鋪清袋，消失幕前神隱近4年後，離巢TVB回復自由身原來密謀有新搞作！今日（12日），黃心穎在IG社交平台上無預警上載一段20秒的新歌預告，疑似自資做跳唱歌手，轉戰樂壇試水溫，更被發現已在IG刪去大量舊照，似乎想重新出發。
新歌MV預告曝光後，黃心穎的二家姐黃心妙都有在社交平台力撐細妹心穎，更寫道：「你地會唔會以為嗰個係我」，事關黃心穎三姐妹容貌相似。而黃心穎亦罕有轉發限時動態，留5個字回應：「確實係幾似」，惟IG每一則帖文卻仍然未開放網民留言。心穎回覆傳媒時又以「請多多支持」、「平常心」回應，未有詳談復出細節。
黃心穎今日（12日）在IG社交平台上突襲放出一段20秒的新歌《Crown Me》預告，無預警以跳唱歌手姿態復出，在2月14日情人節正式推出新歌MV。新歌預告中見到黃心穎以多個造型登場，形象妖艷，又以低胸戰衣上陣，喪跳勁舞，大騷性感身材，而最後更顯示黃心穎疑似自資公司的logo及「sumthing」字眼。
另外，黃心穎又在IG刪去大量舊照，在「安心事件」事發近4年才重整個人IG，只剩下10個帖文，完全刪去了過往出道以來的所有帖文和照片。
黃心穎自2019年轟動全城的「安心偷食事件」後，被TVB極速掟入雪櫃，至今三年多一直絕跡幕前，由本來備受力捧的上位小花，變成乏人問津的「偷食女主角」，演藝事業正式玩完。2022年7月，黃心穎已經低調完約，正式離巢TVB，恢復自由身。
黃心穎自2012年奪得港姐亞軍入行後，一直備受TVB力捧，火速拍劇上位。不過，一直恨做歌手的黃心穎，積極拓展音樂界的人脈，結識了連多樂壇歌手前輩，包括許志安。2018年10月，黃心穎與許志安在《星光熠熠耀保良》拖手獻唱《會過去的》。
此前，黃心穎已為TVB處境劇《愛·回家之開心速遞》主唱主題曲《在心中》，又有與蔡思貝、邵珮詩、馮盈盈、張寶兒翻唱胡鴻鈞的歌曲《到此一遊》（跳唱版），並在《2017年度勁歌金曲頒獎典禮》現場演出跳舞版，更企正C位領軍，盡顯跳唱風範。
圖片來源：IG@黃心穎、黃心穎 “Crown Me” MV Teaser
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
