英國都有「10蚊」店？ 慳家天堂！日用品、食物、嬰兒用品1英鎊起
「移民」，相信是近幾年不少人熱門討論的話題，當然要作出這個決定，定必經過長時間的深思熟慮。不過「移民」不是今天的主題，小編今天想分享的是：到埗、租到屋後，從0開始到底要在哪裡買日用品呢？
============
同場加映：
【蝸居睇樓團】18萬裝修270呎一人蝸居！ 多用途中島廚房+大玻璃窗望香港仔市景
============
日用品，可說是與食物同樣重要，當然一般超市都會有齊牙膏、洗頭水、沐浴露等，但或許你突然會有個想法：「英國會唔會有10蚊店嘅呢？」，答案是：「有㗎！」這邊的10蚊店叫《PoundLand》（一鎊店），可以說是媽媽們慳家慳到盡的天堂！
而每個地區的《PoundLand》賣的貨品都未必一樣，店舖規模都不同。像小編曾住過的兩個地區，兩邊的Poundland大小相差很遠，一間只如便利店大小，另一間則與超市可一較高下。而有時候同區甚至不止一間，只要簡單的用Google Map搜尋「Poundland」就一目了然。
貨品種類方面，大多數家庭日常煮食、洗衫會用到的都應有盡有，例如衣架、洗衣袋、儲物盒、垃圾袋、可入微波爐的膠兜等，都是£1就有交易。當然不是全部貨品都£1喇，畢竟10蚊店都不是所有貨品只賣10蚊！不過價錢已經比其他同類商店、大型超市等便宜。
此外，洗衣液、洗潔精等清潔劑同樣都包羅萬有，不少也是定價於£1-£1.5。而小編也有個覺得蠻好用，值得推介的英國牌子洗潔精，就是《Fairy》喇！它的去污力相當強，不用加太多已經足夠洗淨油污，而且於Poundland不時也有特價，£1有一支500ml，趁特價多買幾支也不錯呢！個人偏愛檸檬味，或是紅色樽的味道。
另有其他過水快、慳水及洗碗機專用配方。
至於個人用品方面，同樣地即使同牌子的洗頭水、牙膏等，價錢都較坊間超市、BOOTS（當它是英國版屈X氏）便宜，而且款式都超多的。除了大家熟悉的品牌，也有不同本地品牌。當中洗頭水個人十分喜歡用《TRESemme》這個牌子，它除了有針對不同髮質的配方，香味也挺好聞，大支裝1L都只是£4，但£4 夠用一個月有多，亦有護髮素系列選擇。
白色樽為護髮素，記得小心留意，唔好買錯呀！
而其他個人用品如牙刷、牙膏都有不少牌子，《Orxx B》、《高X潔》等絕對不缺，《舒X達》亦都有，價錢比香港都便宜，可能是外國品牌關係吧！
個人幾鍾意用呢個牌子，可能心理影響關係，刷完好似啲牙真係白咗。
此外，嬰兒用品都有，如BB油、潤膚露、BB食品等。
即使在Poundland這間多賣日用品的店舖，零食都佔一席位的！不過種類方面感覺就沒香港那麼多，大多數都是薯片、朱古力、糖等。而且這邊接近9成超市都是沒有「空氣薯片」Lays賣的，取而代之的就是英國本地薯片品牌《Walker》。英國薯片有樣幾貼心的包裝，就是一Pack中再分幾小袋，價錢只係£1-£1.5就有一大包6小袋，都幾抵！其他品牌就有KETTLE、DORITOS等，不過定價可能就較Walker貴一點，要£2-£2.25，可以等特價先入貨都未遲。
不止薯片，連好多人大愛的 DORITOS 都有一袋5小包版本。
而最有趣是，每逢特定的節日，如復活節、萬聖節、聖誕節等，都有販售各種不同的裝飾物，如果每逢節日需要佈置家居，Poundland可以簡單地解決你四處搜羅飾品的煩惱，最重要是價錢夠實惠嘛！
希望各位身在英國的你，鄰近都有英式10蚊店喇，絕對為你「慳唔少」㗎！
text/brian
港生活人氣本地熱話
【樂迷注意🎧】《社群》請您免費聽歌三個月！
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
