「九巴有請‧體驗日」九龍灣車廠睇首度公開古董巴士丹拿A型 特別路線有轉乘優惠
巴士迷今個星期六有好節目喇！九巴會喺九龍灣車廠舉行「九巴有請‧體驗日」，除咗可以入吓車廠睇吓巴士展覽，仲有機會睇到復修後首度公開嘅古董巴士丹拿A型「4212」；如果想入九巴工作，仲可以即場面試，應徵車長嘅求職者更可獲安排試車，不過記得帶有效駕駛執照呀！
============
同場加映：
【家居達人】家用風扇清潔、保養小貼士 風扇唔涼點算好？長開過夜易啲壞？
============
「九巴有請‧體驗日」最吸引之處係設有巴士展覽，最大賣點係會展出復修後從未對外公開展出嘅古董巴士丹拿A型「4212」，仲有九巴最新純電動雙層巴士等。參加者亦可以透過虛擬實境，同九巴環保車隊合照，深入了解九巴今昔，更可於場內嘅期間限定店購買心儀紀念品。而參加者喺搭巴士前往會場期間，亦會經過洗車機及廠內不同地方，又可以順道認識到九巴嘅日常運作。當日市民可免費參與而毋須事先登記，大會會因應場內人數及天氣情況作出臨時安排，包括暫停入場，App1933及九巴網頁會喺當日公布最新安排，當日有興趣到場人士記得要留意，而據說九巴將會喺未來幾個月，於其他車廠舉辦類似嘅開放日。
「九巴有請‧體驗日」將於九巴九龍灣車廠舉行，大家有機會睇到洗車機及車廠內情況。
當中最吸引嘅環節，係巴士展覽，除咗好多款已退役巴士類型，當中最矚目嘅係修後從未對外公開展出嘅古董巴士丹拿A型「4212」。
如果搵緊工又有興趣於九巴工作嘅話，活動難Z日月當日，九巴會即場招募多個前線職位，包括車長、維修人員及助理站長等，場內會提供就業資訊以及各職位要求，而原來九巴員工嘅福利待遇，係包括免費乘車證、兩張或以上適用於四間專利巴士公司嘅家屬乘車證、涵蓋門診及住院的醫療保障、年尾底薪雙糧及子女獎學金等。有意應徵者更可獲安排即場面試，請攜同證件相、履歷表、學歷及工作證明，應徵車長嘅求職者更可獲安排試車，記得攜同有效駕駛執照。
當日現場仲會即場進行員工招募，應徵車長嘅求職者更可獲安排試車，記得攜同有效駕駛執照。
特別路線巴士28R及KB1穿梭往返會場
九巴當日開辦特別路線28R（彩虹轉車站 – 彩虹總站 ⇌ 九巴九龍灣車廠）及KB1（九巴九龍灣車廠地下 ⇌ 九巴九龍灣車廠天台），方便遊人往返九巴九龍灣車廠會場，其中28R線設有轉乘優惠，乘客乘搭任何九巴獨營路線後轉乘28R線，或乘搭28R線後轉乘其他九巴獨營路線，均可享有第二程最高$4.8車費優惠，等同節省28R線一程車資；九巴月票亦適用於28R線。KB1路線為免費，九巴建議大家可以搭13X、28及213X路線，建議喺「香港輔助警察隊總部」站落車，或15A、28B或297路線，建議喺「臨華街」站落車，或74A路線，喺「臨華街遊樂場」站落車，再轉乘KB1線。
活動當日會開辦特別路線28R及KB1穿梭往返會場。
【INFO】
九巴有請 • 體驗日
日期：5月20日（星期六）
時間：10am至4pm
地點：九巴九龍灣車廠（當日有特別路線巴士前往會場）
網址：https://bit.ly/42Ws3nV
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
