印尼政府推新政策 請印傭新增招聘費 中介費用料增至逾$20,000
好多香港家庭都有聘請外籍傭工，而由於比較多印尼籍姐姐識中文，故此相當受有老人家嘅家庭歡迎，但原來印尼政府宣布咗，要聘請印傭嘅海外僱主多付一筆「招聘費」，中介公司估計從此要請印尼傭工，僱主就要多付4,000–5,000港元起，究竟點解要收多呢筆錢呢？
============
同場加映：
【家居達人】瞓覺都有學問 專家教你點樣瞓得好 一定要夠8個鐘？半夜札醒發夢無問題、食褪黑素呃個腦？
============
現時本港原來有超過34萬名外傭，當中菲傭約佔5成半，印傭約佔4成，而印尼及菲律賓政府之前都有宣布，打算推出減輕傭工出國就業成本嘅計劃。據悉喺現行政策下，印傭來港工作，原來須自行支付部分培訓、交通費、辦理護照的行政費用等，而印尼政府計劃進一步推動「印傭零收費」模式，將有關費用轉嫁香港僱主。
原來現時印傭要來港工作，姐姐本身需要支付部分培訓及行費用，但印尼政府推行「印傭零收費」模式，將有關費用轉嫁香港僱主。
新增行政支出「招聘費」 多支付約4,000至5,000港元
本港的印尼勞工中介公會表示，現時香港僱主要負責外傭嘅驗身費、保險、來回機票、及前往機場嘅交通費。而「印傭零收費」政策下，香港僱主須為聘請嘅印傭支付一切費用。當中新增費用為「招聘費」，將須由香港僱主支付，係指印傭透過印尼招募中心，將資料傳至香港介紹予僱主，在成功獲聘後，要支付予該中心嘅費用，這筆費用涉及申請不同文件嘅行政費、處理文件嘅人力成本以及利潤。印尼人力仲介公會預計，香港僱主未來聘用印傭，要支付多約4,000至5,000港元，但當地不同中心會有不同收費，要多付嘅「招聘費」費用其實亦會有所出入。現時香港僱主要聘用印傭，大約要付$15,000至$18,000，現新加上「招聘費」，就會超過2萬元。
「招聘費」係指印傭透過印尼嘅招募中心將資料交畀香港僱主，當中涉及申請不同文件嘅行政費等，預料未來聘用印傭，要支付多約4,000至5,000港元。
印尼人力仲介公會表示，零收費政策其實已經生效，但相信部分香港僱主並未知道，而如果香港僱主唔支付相關費用，暫時無懲罰，但如僱主與中介都唔支付嘅話，印尼當局係有權唔畀該印傭來港。而香港業界其實有部分已經採用印傭零收費政策，如印傭遭索取額外中介費，僱主可以向勞工處投訴。
印尼人力仲介公會表示，「印傭零收費」政策其實已經生效，而如果香港僱主唔支付相關費用，暫時無懲罰，但如僱主與中介都唔支付嘅話，印尼當局係有權唔畀該印傭來港。
其他香港外傭中介公司表示擔心一旦印尼開咗呢個先例後，菲律賓方面或會倣效，港人聘請外傭嘅成本會大大增加。業界已初步向勞工處反映意見，印尼方面需確保印傭唔會於短時間內辭職，以保障僱主嘅權益。勞工處就表示，港府曾向印尼駐港總領事館明確表示，為維持香港與印尼雙方友好互惠嘅合作關係，該國輸出印尼家庭傭工嘅政策如有任何調整，應避免導致香港僱主聘用印傭嘅費用大幅增加，或降低印傭來港就業嘅機會。勞工處會繼續與印尼駐港總領事館就聘用印傭的相關事宜保持聯繫。
據外媒報道，印尼勞工部長伊達（Ida Fauziyah）曾經表示，在與勞福局局長孫玉菡會晤時，表達過希望提高印尼外傭在港工作嘅最低工資、保障休息時間等訴求。
text/Joyce
photo/HKET圖片庫
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
