房協項目勇奪八項規劃及建築大獎 明華大廈及豐頤居成大贏家
對於公共房屋，大家最關心都係幾時有新屋邨落成，幾時輪到自己上樓……其實除咗量，公共房屋其實喺設計上都相當具質素，香港房屋協會喺項目規劃及建築方面，最近就奪得8個獎項，當中2個獎項更屬國際級，究竟係邊啲項目咁厲害，同攞到乜嘢奬呢？
===========
同場加映：
【家居達人】達人教路！4款易整健康狗零食 啖啖肉棒棒、雞飯版Tiramisu、零技巧生日蛋糕
============
明華大廈第一期重建項目 新加坡奪卓越規劃大獎 ─ 榮譽獎
房協憑明華大廈第一期重建項目，剛於「香港規劃師學會周年大奬2022」中，獲得該年度最高榮譽嘅銀獎，而房協策劃及發展經理王文君，更獲頒「青年規劃師大奬 — 傑出成就獎」殊榮。明華大廈第一期重建項目早前亦於「新加坡規劃師學會規劃大獎2023」中，獲得由新加坡規劃師學會及香港規劃師學會聯合頒發嘅卓越規劃大獎 ─ 榮譽獎，表揚項目創新、可持續及完善嘅規劃，以應對土地短缺、人口稠密等挑戰。
明華大廈以「綜合重建模式」分三期發展。第一期重建項目已於2021年落成，提供966個出租單位，當中三分一單位具備「可改動設計」，讓用戶按需要改動空間配置。而兩幢大樓嘅設計，充分考慮採光、通風及美觀等因素，大樓嘅紫色及黃色外牆配搭，不單營造出獨特嘅花園感覺，亦讓長者更容易辨認。
明華大廈第一期重建項目，大樓紫色及黃色外牆配搭，十分吸睛，亦充分考慮採光、通風及美觀等因素。
豐頤居 香港設計大奬「建築–住宅–已建」組別金獎
另外，於今年初落成嘅豐頤居，就榮獲香港設計大奬2023「建築–住宅–已建」組別嘅金獎。香港設計大奬由全球各知名設計品牌及工作室組成的BETTER FUTURE 主辦，以表揚有助建設更好未來及可持續發展的創新設計。此外，房協亦於香港綠色建築議會及環保建築專業議會合辦的「環保建築大獎2023」中，連奪四個奬項，當中豐頤居再奪一個優異獎及一個聯合國可持續發展目標特別嘉奬，豐頤居共有312個單位，為年滿六十歲的中產長者提供長者友善的獨立單位、一站式醫療護理及康樂設施，以及護理安老院舍等配套，幫助他們居家安老；另一方面，位於古洞北及洪水橋/厦村新發展區嘅專用安置屋邨項目，亦分別獲頒優異獎和獲選入圍項目。
位於紅磡、於今年初落成嘅「長者安居樂」計劃項目豐頤居，榮獲香港設計大奬2023「建築–住宅–已建」組別嘅金獎。
喺環保建築大獎2023中，豐頤居再奪一個優異獎及一個聯合國可持續發展目標特別嘉奬。
text/Joyce
photo/香港房屋協會、HKET 圖片庫
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
