港女萬歲│田蕊妮現更年期症狀爆汗燥底 對老公杜汶澤發火：做乜都想XX佢
網上平台喱騷中，田蕊妮主持的節目《港女萬歲》內，她自爆有更年期的症狀出現，坦言自去年做完舞台劇後，出現盜汗之外，更脾氣差經常無原無故向老公杜汶澤發火，回想都覺得老公可憐。她這一集找來盧巧音、盧覓雪、楊詩敏（蝦頭）和何慕詩大家討論女人面對人生一大關口「更年期」遇到的情況，大家都坦言會害怕這個日子來臨。
場加映：中年好聲音2丨古淖文認半紅不黑浮沉15年欠運 學習謙卑求進：當年贏冠軍一定囂
現時46歲的田蕊妮自爆做完舞台劇《大離婚日—妻》後，身心疲累，累得根本不想跟任何人說話，就算有人跟自己談論話題，自己都會發呆：「完全唔想同任何人有任何交談、社交、玩都唔想玩，冇晒動力。有次雪雪（盧覓雪）嚟，同我講EOS（女團）嘅嘢，我冇反應，個人呆晒，個腦好似空白function唔到。」
回憶以往，田蕊妮指有一樣症狀，在30幾歲時候曾經出現。當時她在無綫拍劇，記得當時不幸發生母親離世，她只顧著拍劇並沒有刻意梳理情緒。有段日子半夜瞓覺更會全身出汗，當時以為自己壓力大。她續說去年做完舞台劇之後，再次出現情況，於是去睇中醫，醫生表示她有盜汗，已開始步入更年期。田蕊妮有如晴天霹靂，害怕未到50歲更年期提早到來。
田蕊妮還爆笑說自己更會情緒不穩，不過眾人取笑她平時性格也較火爆，她說：「我成日坐喺度好X嬲，老公講乜嘢，都係唔啱聽，我都係會嬲，佢講乜我都唔想睬佢，好想XX佢，有日同老公講『你有心理準備，女人會有更年期，我遷就咗你咁多年，如果我會突然XX你，你要有心理準備，自己忍下。我要講定佢知，怕佢以為我突然黐線。」
有時杜汶澤躺著也中槍，田蕊妮心知自己都係難為了伴侶：「佢煮飯問『今晚不如煮啲乜食，我會話『你唔好成日諗住食啦，你已經好X肥』，佢其實好慘好無辜，佢人生呢段時間最可憐，我從來未試過咁對佢。佢無端端問我食雞好冇，我就鬧佢『食下齋啦好嘛』。佢變得講乜都唔啱。其實佢冇唔啱，只係講乜我都要反駁佢，係唔知點解。」
坐在旁邊，49歲盧巧音笑言自己都有這些情況出現，她的症狀更多，心悸要睇醫生，瞓覺出汗全身濕透，而且燥底情況更嚴重，「受害者」絕對是她的老公、KOLOR的主音Sammy，她說：「好似鬼上身，我本身可以好溫柔，但無啦啦眼前好多火。我對住老公又係好忟，佢做家務我都嬲，個心會諗唔係咁做呀!但我又唔可以講出口，講完會好大鑊，因為佢見我火爆，佢會更火爆啲，我盡量會唔出聲冷靜啲。」
盧覓雪表現最冷靜，自言已經順利過渡更年期過程，還笑謂自己本身都是火爆性格，所以並沒有覺得自己會突然燥底要發洩情緒。她取笑楊詩敏不及兩位人妻，情緒起伏時有老公硬食脾氣。楊詩敏笑言可能沒有男人更嬲，但她提及自己開始遇到經期紊亂：「我經期以前好準，但近呢半年，亂到阿媽唔認得，3個月嚟一次，令我覺得呢啲係咪症狀，就好似見到停經路牌嚟緊，呢個階段真係要面對，女人新階段。」
節目分兩集播出，下一次更大膽，大談女人停經過更年期後，更自在享受性需要，沒有太大顧忌，怕懷孕之類的問題。
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
