Mayanne小喇叭｜湯盈盈周家怡剖白演醜角成代表作 大爆瘋狂醉酒史四圍咀人
由麥美恩（Mayanne）擔任主持、曾展望（GM）擔任助理主持的TVB清談節目《Mayanne小喇叭》，逢周四、五晚10點半翡翠台播映，最新一集邀來周家怡、湯盈盈擔任嘉賓，齊齊大談女人經，剖白演醜角的心路歷程，二人的演藝生涯皆犧牲過靚樣，更是她們的代表作之一，分別是周家怡在《火舞黃沙》飾演兔唇女小琴，及湯盈盈在《阿旺新傳》飾演李笑好。
湯盈盈說：「呢個角色好深刻，記得嗰陣時監製黃偉聲同我講要做呢個角色，我有好多Idea，我話唔洗頭、堂眉唔抆、到時再畀個假牙我。真係試造型時，嘩，真係好醜樣，好後悔呀。」而周家怡則自爆戴牙套扮兔唇搞到牙都崩，並透露為了代入角色長期戴住牙套：「我連出街都戴住，我試過去便利店買嘢畀人影到！」
麥美恩、周家怡和湯盈盈同樣是玩得之人，Mayanne大爆曾目擊湯盈盈醉後四圍咀人，湯盈盈對此笑言：「嗰次之後中咗甲型流感，好似祥仔（阮兆祥）個女朋友畀我搞掂咗，我唔敢講番畀佢知！」Mayanne又自揭有一次跟獎門人曾志偉去澳門做倒數，事後派對甫開始不久便醉到不省人事，她說：「唔夠半個鐘，已經開始嘔，睇啲嘢好模糊 ，發現嘔咗喺一個人手上，佢就係獎門人！」
同樣玩到盡的周家怡則自爆有一次跟獎門人到馬來西亞拍節目，在行程最後一天盡情狂歡，她笑言一邊嘔一邊和獎門人猜枚：「結果係斷晒片，喺飛機上先醒番，醒番已經開始降落香港！」
講到感情方面，37歲的Mayanne透露被阿媽瘋狂催婚，身為單身貴族的周家怡就笑言：「你會經過㗎喇，因為佢哋會擔心你老咗冇人照顧你。」至於湯盈盈則大爆當年未婚懷孕時，錢嘉樂曾打電話向獎門人「求助」，湯盈盈指獎門人當時的反應非常搞笑！
講到生兒育女問題，事業正值上升的Mayanne坦言現在未知是否最好Timing，湯盈盈就提議她可以雪卵，Mayanne指除了身體上要配合，亦要具備一定財力，皆因雪一次卵要差不多8至10萬元不等，她大嘆：「事業上要好成功，先有能力去養呢啲卵子！」
同場加映：【衝出嚟玩】最新影片
港生活人氣娛樂新聞
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
