張文傑與洪金寶早已拍戲結緣 13年前「排骨胸」舊照青澀似陳偉霆
張文傑（German）於電影《九龍城寨之圍城》飾演「四仔」人氣急升。German早喺23年前已經參與幕後工作，更同大哥洪金寶一早結緣，日前佢就同大家分享佢呢份「重逢」嘅感動。
German post出同洪金寶13年前後嘅合照，留言：「同偶像大哥大隔咗十三年嘅合照，超開心！」相中洪金寶13年後嘅今日消瘦同蒼桑咗唔少，更由黑髮變白髮，不過就依舊咁有霸氣；而細個嘅German竟然有啲似陳偉霆，今日嘅佢就男人味爆標，反而有啲似張耀揚。不過German最大嘅分別就係一身橫練嘅肌肉，細個嘅佢胸前見骨，依家嘅佢練到胸肌最少有B CUP，認真唔簡單！
翻查紀錄，German同洪金寶13年前嘅合作原來係電影《功夫廚神》。《功夫廚神》2009年上映，由葉永健執導，洪金寶、吳建豪、應采兒主演。German當時就做演員以及副動作指導，雖然電影當年喺香港只得18萬票房，但相信對German嚟講意義非凡！
German三歲已接觸武術，約七、八歲正式學功夫，包括搏擊、泰拳、跆拳道、詠春、南拳和洪拳等武術。2001年German正式參與多部電視及電影的幕後工作如負責特技、舞台動作，亦擔任動作設計和演員替身；2001及2002年分別獲得深圳市傳統武術比賽一等及二等獎項，2009年開始才轉向幕前，曾參與拍攝《風暴》、《一個人的武林》、《迷城》、《沖天火》、《大師兄》、《怒火》、《地產仔》、《神探大戰》、《明日戰記》等多套電影及電視劇，近年亦有擔任動作指導和動作設計 如《特務肥姜2.0 MV》、《紮職2》 、《紮職3》等。
圖片來源：Instagram
港生活人氣本地熱話
【免費送Rollink旅遊系列✈️🌍】
↓ 帶走人氣摺疊旅行喼 x Mini Bag！↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
