鄭伊健倫敦開騷丨50歲蒙嘉慧素顏大方與觀眾合照 牙齒變色曾被指發福大受「打撃」
鄭伊健7月6日晚上於英國倫敦Eventim Apollo舉行個唱，歌迷反應熱烈，伊健感動3度唱到眼濕濕，唱《我的歌》時他強忍淚水繼續唱，太太蒙嘉慧亦做跟得夫人，喺台下默默支持老公。蒙嘉慧被觀眾認出，素顏嘅佢都大方同歌迷合照，最新狀態原圖曝光！
伊健開騷當日舉行歐洲國家盃賽事，伊健表示：「我第一次英國開騷，好難得，多謝你哋選擇唔睇波，嚟睇我演唱會！」伊健台上演唱多首經典作品都出自填詞人黃偉文Wyman手筆，當晚Wyman亦係座上客，佢表示自己曾經歷歌手低潮：「陳光榮話寫隻歌畀我，寫咩歌好呢？我好好彩遇到黃偉文Wyman，佢今晚都有嚟！」全場起哄。伊健續說：「其實佢寫咗好多畀我，頭先我都唱咗好多首都係佢填詞。但呢首歌好特別，叫做《新歌》，我唔知大家有無聽過，當年我睇歌詞問點解，點樣『新嘅我』？嗰陣時理解能力有限。但今日攞返首歌出嚟，我同陳光榮講：『嘩，原來呢首歌唔係講我喎，係講一個人生。』我唔識講，不如唱啦！」
伊健被歌詞感動眼濕濕，唱完後深呼吸，再唱出演唱會最後一首歌《Together》，他說：「做人要開心啲！」舞蹈員帶埋幾袋crew tee「手信」出場，與伊健一齊拋入觀眾席。完場歌迷不散場，狂叫Encore後伊健再度出場，唱《動地驚天愛戀過》時看到台下歌迷全部站起來，揮動手機燈，他又再眼濕濕更一度哽咽，觀眾歡呼聲和掌聲打氣。他說：「所有歌真係唱晒，導演叫我出嚟唱多首歌。點都好，多謝你哋，無離開，Thank You！我演唱會有個特點，就係希望大家開心，所以點都要加多隻歌。希望大家開心咁離開呢個地方，記得我哋今日聚過，希望後會有期。」
除咗Encore之外，有觀眾仲得到一個台下嘅大「彩蛋」，就係伊健嫂蒙嘉慧同大家親民合照。有網民將同蒙嘉慧合照上載到小紅書，相中見到蒙嘉慧不施脂粉，戴上黑色粗框眼鏡，頭髮非常整齊，似乎都有用心吹過；唯一可以挑剔嘅就係門牙唔知因咩事明顯變黑。有網民留言指蒙嘉慧相中顯老，而且仲發福；不過都有好多人力撐已經50歲嘅佢keep得非常好：「一個一個開原相機睇下自己先。」、「都冇做幕前，咁樣完全冇問題，狀態好好。」、「自己舒服就好呀。」
其實之前蒙嘉慧都曾經post出自己喺日本時嘅劈柴片，當時都有人指佢發福，亦有網民力撐佢，但蒙嘉慧自己就出嚟「自黑」，表示自己都覺得自己係肥咗大受「打擊」，回覆撐佢嘅網民：「唔係呀
我睇咗playback，我都接受唔到正面。」
圖片來源：大會提供、Facebook
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
