梁思浩爆料圈中女星$0搜羅老公偷食證據！咁做有圖有真相 連私家偵探錢都慳返？
由梁思浩、江美儀、Mandy其同主持網台節目《娛樂好好玩》，經常大爆圈中秘聞引起討論。最新一集，梁思浩提起圈中人偷食事件，除了重提當年有「亞洲小姐冠軍，食人夫食到俾人打」，他更在節目中提起吳若希網上公審老公載女同事返工一事，最後更在片中教吳若希用一招擊退情敵，笑言這樣做連「私家偵探錢，慳返！」
亞洲小姐冠軍偷食人夫「食到俾人打」？
當日節目提起娛樂圈中偷食人夫／人妻事件，梁思浩馬上想起當年「亞洲小姐冠軍，食人夫食到俾人打！」的新聞，而江美儀亦隨即回應，表示當年不知為何有很多人都說自己在銅鑼灣目擊這件事，梁思浩則笑稱：「佢好似喺大球場俾人打咁，個大婆衝入去Coffee shop，其實個大婆係處心積慮，要眾目睽睽之下行埋嚟冚你一巴！咁多人睇到，都要時間人物地點，嗰個都大單。」
由於早前開名爆料引起是非，今次節目梁思浩未有公開事主身分，但有觀眾憑三位主持提到的蛛絲馬迹，紛紛認為事主是有「最美亞姐」之稱的楊恭如。當年楊恭如外型出眾，曾出演過不少經典影視作品（如《我和殭屍有個約會》、《風雲》等），卻在2002年傳出介入「上海首富」周正毅婚姻，遭其妻子毛玉萍當眾掌摑並破口大罵：「你敢搞我老公？」事件轟動一時，事後毛玉萍還公開表示「我是唯一周太」。
梁思浩教吳若希用1招擊退情敵：私家偵探錢都慳返
梁思浩又在節目中教吳若希一招擊退情敵，表示這是由她的「師姐」教路，「有個師姐發覺佢老公唔係幾對路，你知唔知佢做咗啲咩？聰明女到不得了！佢同記者講：『我發覺我老公好似有啲唔妥，出邊有檔嘢搞。』」於是江美儀便追問記者有甚麼反應，「咁個記者搵人跟佢老公呀？」梁思浩隨即說：「有乜嘢犀利得過人哋用成間報館嘅狗仔隊跟你老公呀？私家偵探錢，慳返！仲要第一手消息，幫你蒐集埋資料，有相有圖有真相！」
網民憑2大線索推斷事主身分
雖然三位主持未有公開事主身分，但留言區有不少觀眾都在猜測事主身份，有人推測是已嫁去日本、與日籍老公金子力育有3子的陳美齡（Agnes），「嫁咗去日本嗰個陳美齡，喺訪問中都有講過 ，就係唔准佢老公架車接載其他女性」。
另外亦有網民憑線索推斷事主是亞姐出身的伍詠薇（伍姑娘），皆因主持Mandy在節目中的一句話：「佢仲要幫佢解畫」，令不少人想起2016年時，有媒體拍到伍姑娘老公練海棠疑似偷食，與一位長髮女車上密會兩小時。當時伍詠薇即日回應傳媒，稱已向老公了解事件，並表示自己會選擇相信家人，回應大方得體。隨後伍姑娘又在記者面前承認可能是自己忽略了老公，才導致今次事件發生，並未有責怪任何人，一番回答獲網民大讚是好老婆。
來源：YT@娛樂好好玩
圖片來源：IG@christineng
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
