吳婉芳細女胡智晴瘦晒顏值急升 大隻細仔食平民Gym餐勁貼地
現年56歲嘅最誇美魔女吳婉芳同老公胡家驊育有2子一女，難得地3名子女都完美遺傳佢嘅靚基因，各有各靚。原本有少少肥嘅細女近年都愈來愈苗條，比起之前顏值急升，一啲都冇輸畀兩個哥哥。
吳婉芳三名子女感情極好，而二仔胡智同（Lynus）就最活躍於社交平台，不時分享日常生活照。有次Lynus分享佢哋三兄妹嘅合照，妹妹胡智晴（Helen）當時應該正值發育，身形略胖仲有啲暗瘡，見到哥哥post黑圖，佢都忍唔住留言叫佢可唔可以唔好post一張自己超重嘅相。
然而哥哥都唔係咁衰，日前Lynus就post出同Helen嘅最新合照，Helen身形超苗條，同之前嘅肥妹仔判若兩人。而Helen似乎係去支持哥哥踢波，Lynus表示妹妹永遠係佢嘅No.1 fans，非常溫馨。胡家一門三傑，三名子女氣質各有不同，不過都同樣係「靚人」。大哥胡智略（Caspar）貴公子氣質，仲識現樂器，不過就相對低調；二哥Lynus就係肌肉男，陽光大男孩非常有愛心，家中養過十隻狗狗，仲曾經開畫展，文又得武又得，而佢更加相當貼地，做健身教練嘅佢日前分享自己一日飲食，身家豐厚嘅佢都好貼地，午餐去平民店食叉油雞燒味飯，小食都係食即食雞胸，而晚上更加係去到連鎖快餐店食雞胸肉飯，同一般人冇咩分別。
吳婉芳1986年參選港姐奪得亞軍後入行，但好快就同富豪老公胡家驊結婚，之後更淡出幕前，專心相夫教子。吳婉芳早年同已故老公胡家驊入馬場嘅一輯相驚為天人，子女已經成年嘅佢睇落仲好似廿頭少女，即被封為最強美魔女。
港生活人氣本地熱話
↓【限時搶⚡】Stecco Natura意式雪條↓
↓免費意式雪條｜杯裝意式雪糕買一送一↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
