痞子無間道｜陳瀅豁出去醜化靚樣扮硬軚 棄女神包袱扮癲狗亂叫亂咬
TVB古裝新劇《痞子無間道》劇情搞笑，女主角陳瀅於昨晚（18日）播畢的第七集更醜化自己的靚樣，豁出去放棄女神包袱，扮完硬軚再扮癲狗亂叫亂咬，演繹得既投入又逼真！陳瀅除了毁容性盡情扮醜，演繹硬軚場口時，全程繃緊的陳瀅望落感覺連肌肉都有戲，相當搞笑！
劇情講述符玲（陳瀅飾）為了避開在費仁（周嘉洛飾）及恭梓（朱敏瀚飾）之間二選一做姑爺，先想到佯裝患上「感情用事意志薄弱逃避現實昏厥症」（致敬《家有囍事》）避開袁雨就手下雲端（霍健邦飾）及房伙薔（利穎怡飾）逼迫；但礙於很快被拆穿，符玲遂想到裝傻扮狗拖延時間…
扮完硬軚再扮癲狗亂叫
陳瀅昨晚無論僵硬化（硬軚）、扮狗或是裝傻場口均演繹得既投入又逼真，就連肌肉失去控制後東歪西倒的「郁動狀態」，陳瀅仍能保持繃緊狀態演完整場戲，額頭上的青筋，更完全展現了陳瀅該個場口如何出盡全力咬緊牙扮繃緊，表現相當不俗。
而在裝傻扮狗場口，陳瀅除了完美演繹回到孩童時的純真貪玩狀態，當進入癲狗狀態時，陳瀅除了不顧形象亂咁叫，又會張牙舞爪四處亂咬，相當瘋狂。
「拍完嗰吓唔係好Feel到面上嘅肌肉」
談到硬軚一幕，陳瀅接受訪問時笑謂由於要Hold住僵硬tone一段時間，故拍畢後驚變「肌肉無感」：「場戲原本個劇本寫符玲暈咗，之後我哋就好似平時咁，諗點樣可以有趣啲，試咗幾個方案覺得呢個最好笑。但係僵硬的確係有啲難做，嗰晚我都定住咗嗰個樣三、四個鐘，所以係有啲痛同有啲攰，到拍完嗰吓唔係好Feel到面上嘅肌肉，但我覺得只要觀眾喜歡，就值得了。」
惡搞《美麗戰場》驚變《美麗墳場》
陳瀅昨晚一集，還惡搞了自己有份主演的台慶劇《美麗戰場》。劇情講述大台為了重振聲威，在費仁提議下大搞節目巡禮，即將推出的劇目分別有《美麗墳場》、《尋仇記》、《愛回水》及《中年好歌姬》，為增加惡搞度，除了由陳瀅親身上陣介紹《美麗墳場》節目內容外，《中年好歌姬》亦找來車婉婉扮演主持，搞笑得嚟亦別具心思。
港生活人氣娛樂新聞
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【社群送禮🌸】送您麒麟一番搾啤酒及「和風櫻花禮品套裝」！
↓簡單一步登記贏禮物！↓
