老公想買三房樓但畀奶奶話嘥錢 想生小朋友究竟要買幾多房單位先至理想？
大家認為一家三口要住幾房嘅單位會比較合適呢？最近就有網民喺香港討論區上發帖，表示同老公準備買樓並有生育嘅打算，但老公同奶奶喺應該買幾多間房嘅單位上意見不一，所以希望尋求一眾網民意見，究竟要生小朋友的話買幾房單位先至理想？
起碼要有三間房？一家三口住兩房好勉強？
樓主表示自己老公希望購買三房單位，三間房將分別用作主人房、小朋友睡房以及書房或衣帽間，並認為三房單位會有更多嘅私人空間，但奶奶卻表示兩房就已經足夠，並認為買多一間房作衣帽間實屬浪費金錢，所以就令樓主擔心三房單位其實會否不合適。對於樓主嘅情況，網民都紛紛提出不同意見，有網民就認為如有生小朋友嘅打算就應該買三房單位：「三房基本啦，書房又好，衣帽間又好，工作間又好，甚至係吵架後冷靜空間都好，有條件就預多一間房」、「俾(畀)錢嗰個話事，但諗住要小朋友三間房真係好基本」、「三間房唔算多啦！兩公婆生兩個小朋友，三間房剛剛好」、「個人覺得起碼要有三間房，就現實情況嚟講，多一間房可以當客房或者有事嗰陣當隔離房用」，有網民就提出三房單位喺打理上雖比較辛苦，但亦始終比起兩房好：「3房要打理嘅野都多，做家務都辛苦架。不過就多間房點都好過第時生多個又冇地方比小朋友長大。」
有網民就認為如要請工人的話，就必需要有三間房：「如預有小朋友，3間房少不了。另外你們生了B後會請外傭嗎?會，3間房是必需，難道要BB同外傭同瞓一間房嗎？」、「起碼3間拉(啦)，你仲話遲啲有小朋友，又要請工人姐姐」，另外有網民就以親身經歷表示兩房單位只能勉強供一家三口居住：「如果生小朋友三房好，我初初買兩房，請個工人，bb細還好，大d(啲)就勉強住。到生埋第二個，兩房係完全唔足夠，人多bb野又多，最後要搬三房。如果買得起，一開始就買三房唔好煩了，反正自住樓，點都保值賺住」，亦有網民提出第三間房的用途廣範，如有能力就應買三房單位：「有能力就3房無後顧之憂，現在是合適時機呎價較平，第3房用途甚廣for衣帽/小孩/再生多一個/2老過夜/工人etc，再諗長遠一點他日孩子長大自立後，2公婆賣3房換2房也有較多錢剩」
有網民認為一家三口住三房單位剛剛好，兩房單位則有些勉強。
有網民認為買三房單位可無後顧之憂，日後可隨時因情況安排第三間房的用途。
有兩個廁所緊要啲？應該要考慮校網？
有部份網民更認為三房單位其實都並不足夠，要買四房單位先比較理想：「如果要生，至少買4間房」、「起碼有四間房啦！一間夫婦，一間小朋友，一間工人房(同)雜物房」、「兩公婆加小朋友加工人，最少四房吧！」、「4房，小朋友一間，預留一間再生多個，若干年後一定分房訓，兩公婆要一人一間」，另外有網民就認為有兩個廁所比較重要：「最緊要有二個廁所，當你有小朋友就知道重要，尤其朝早起身返學時間」
有網民則認為其實買幾房單位主要視乎負擔能力：「有錢就住多少房都合理，無錢就唔好理」、「有錢就4間房都唔算多，冇錢就兩間都嫌多」、「有錢咪住大啲，住house任你間」、「買得起嘅話，多多房都得，問題係買唔買得起」，有網民就認為除了要考慮房間數量外，亦應考慮地區：「OnX問題.....最主要睇褲袋有幾多錢和收入。仲有校網好重要，天水圍4房也不及九龍塘/何文田2房」
有網民更認為四房單位先足夠，以用作預留再多一個小朋友或工人的房間。
有網民則認為除房間數量外，單位有兩個廁所以及所處於哪一個校網亦同樣重要。
============
同場加映：
【蝸居睇樓團】348呎堅尼地城舊樓上車盤大翻新 7呎闊衣櫃無地台套房、玻璃間隔牆增空間感
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
↓【限時搶⚡】Lanluis MGO520+紐西蘭麥蘆卡紅蔘蜂蜜便攜裝↓
↓補氣血｜改善睡眠品質｜促進腸道健康↓
