10 個必知皮袋保養知識！ 無攞嚟用都會發霉？
相信不少女生都有幾個皮革手袋，但平日大家有無做足保養，令手袋的壽命可以更長？而且當遇到啲突發問題如汁液、雨水整污了點算？發霉和消毒又應該點做呀？不如就等 STYLUX CEO Anson 親身為大家解答，STYLUX 是很多大品牌的指定復修服務中心，經驗非常豐富，快啲聽吓有咩 tips！
1.到底皮革手袋需要定期保養嗎？
其實皮革產品遇上香港潮濕天氣，會容易出現氧化、褪色和發霉。
STYLUX CEO Anson 認為有需要定期為皮袋做保養，仲即場為大家提供保養貼士。
2.不同的皮革物料需要不同保養？
進行保養前要搞清是哪種皮革，以使用對應清潔和保養劑。只要滴一滴水就可知道。
若水滴會令皮革變深色的就是「水染皮」，要避免使用油份或蠟質重的保養品。
另一種「噴色皮」，水滴一抹就跣走，80% 以上手袋都是這種材料。
「噴色皮」適合使用油份或蠟質重的保養品。
3.日常保養方法，由清潔開始。
使用清潔劑時，應先在袋的暗位試吓。
確定不會引起褪色等問題，才為全個袋清潔。
潔淨完，再使用滋潤皮膏，以打圈方式抹勻全個袋。
最後噴上一層薄膜噴霧，防止水氣滲入。
4.汁液滴在袋面點補救？
要用無酒精紙巾吸走汁液，千萬不要捽，否則只會令汁液滲入皮革。
5.刮到痕又點算？
輕微刮痕可以用風筒吹熱。
再塗上軟滑皮膏，以刮痕相反方向推抹。
6.落雨淋濕點處理？
先抹乾表面水份，再用暖風吹乾。
然後放在陰涼通風處兩三日，待完全乾透。
7.輕微發霉如何去除？
用清潔劑走霉菌漬。
再用消毒紙巾殺菌，之後同日保養一樣抹上軟膏和噴上薄膜。
8.日常使用時如何殺菌消毒？
最好使用皮革專用消毒噴霧。
9.袋唔用時應該點收納？
首先不要袋叠袋，以免造成變形。
亦不要把防潮珠放入袋內，因為化學品有可能會影響到皮革質地。
簡單而原始的方法是用報紙放到袋裏吸濕，可以用布包住報紙防止油墨弄污。
10.唔用都會發霉？
香港天氣潮濕，不單皮革會發霉，其他部件都容易氧化。所以間唔中要用吓，或者攞出摸吓，令皮袋有一些油份滋潤。
Special Thanks:Stylux 革匠管家
============
同場加映：
【蝸居睇樓團】沙田380呎舊公屋變身日式部屋！3大WFH寫意空間：地台床變儲物櫃、麻雀枱
港生活人氣本地熱話
【請您睇戲】投選您心目中的金像獎影帝影后🫅🏻👸🏻
↓立即投票贏禮物！↓
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
