網民熱議：大埔居住環境算唔算係世一？！ 行山踩單車一流 民生小店物價低
究竟香港哪個區最好住，一向都是連登討論區的熱門話題，但幾乎每個區都有忠粉以及反對聲音。最近又有網民出帖，說自己去了大埔行山，然後發現大埔少公屋，居住環境密度低等，居住環境算係香港世一！誰知一出post，幾乎被網民「圍攻」，難道大埔居住環境真的這麼「有問題」？網民又覺得哪個區好住呢？
樓主在行山過程度，發現大埔：「少公屋，規劃密度算低，少三四十層以上高樓，市中心多餐廳小店民生舖，行山踩單車一流，北有北部都會區，南有東鐵，最近過埋海返工方便好多；再靜啲超多村屋揀， 感覺冇咁多鄉黑，由舊樓普通私樓村屋到獨立屋都有，養狗揸車一流！當然如果係要成日OT/要準時返工嘅社畜就差啲」。誰知網友反應很大：「少公屋笑左出聲」、「你望下富亨富善運頭塘先啦，少公屋……」，不過有網民平反：「新界嚟講算少」。
樓主認為大埔少公屋，立刻被反駁，不過亦有網民表示跟新界其他區域相比，大埔的確算少公屋。
樓主認為大埔吸引地方，就是少高樓大廈，房屋密度較低，又方便踏單車及行山。
吐露港公路長期塞車 港鐵迫到上唔到車
有網民就認為大埔對外交通情況相當惡劣：「唔係呀，好X垃圾！吐露港由七點開始塞車，又多撞車，朝早出九龍都要個半鐘。東鐵金鐘站開左之後，大埔上車已經夾到爆，停車場又少，成日都滿」、「大埔 d 交通差到，你睇下咩都要k 巴就知」，有大埔居民指出，如果毋須長途跋涉到外區上班的話，大埔的確幾好住：「唔洗返工，大埔就算幾好住，尤其鐘意行山踏單車慢活嘅，買民生嘢價格還好」、「計住嘅話，大埔真係正，如果你可以區內返工真係一流，但如果要出城返工就難搞」、「住過荃灣、大埔、土瓜灣、上水、何文田、屯門，大埔真係最好住，民生小店多買餸平靚正，環境又清幽（唔計大中嗰頭），但吐公真係好令人卻步，利申：中意居住環境＞方便，有揸車」。
雖然有港鐵途經大埔，但上班時間，車來到大埔已經迫到上不到車。
大埔居民都說吐露港公路在上班時間經常塞車，每日浪費大量時間在交通上。
但有曾居住大埔的網民表示，民生小店多買餸平靚正，環境又清幽，若果毋須到市區上班，大埔區居住條件的確吸引。
貧窮老舊社區 遭年輕人遺棄？！
有曾經住住大埔嘅網民，很全面地分析大埔的缺點：「大埔其實好多公屋，私樓普遍都好舊，出去又下下要塞吐公，啲燈位又塞死晒，區內設施又起到密密麻麻，亦都冇乜空間再發展，感覺係一個普遍老舊窮既社區 （當然你話大埔半山果啲就另計啦），好處係多平野民生嘢買， 生活成本低，後生搵到下錢嘅大多數都會選擇搬出去，留／吸引唔到一班高消費有活力嘅人係到住，搬去／留係大埔買樓嘅都係老街坊或者筆直有限將價就貨多，利申：細個住過大埔，2017年旺市果陣換樓，嫌入面啲樓唔值所以搬左出去」，有網民加以補充：「如果近市中心偏向老舊窮，尤其街市運頭街廣福道火車軌嗰個圈，過條河已經乾淨好多。新嗰代應該就住邊皮啲私樓/村屋再加部車，識人考到車就由九龍搬入大埔村屋。」
有曾住大埔的網民，覺得除了對外交通問題，區內設施比較舊，令年輕人及比較有消費能力的人不太願搬入大埔。
荃灣、沙田、元朗屌打大埔？！
但有網民反對樓主覺得大埔好住程度世一這個觀點：「住過咁多地方荃灣先世一，第二沙田，第三元朗」、「荃灣沙田屌打大埔」、「識野清，荃灣世一」、「荃灣沙田都同意，元朗就收皮啦」，不過又有住過大埔的網民為大埔辯護：「咪為踩而踩啦元朗好過大埔！由細到大住大埔，婚後搬入元朗後悔到不得了！淨係條大馬路同啲大陸人水貨客人踩人已經炆到仆街，成個元朗除左yoho 可以無瓦遮頭，夏天簡直係同禽獸一齊生活既地獄一樣，除左搭shuttle 去西鐵站同yoho ，基本上唔會出街，元朗啲人硬係望落岩岩蠶蠶（岩岩巉巉）咁，總有一個講啲唔知邊到啲鄉音係（喺）你左近，想做戶外運動，除左得個唔就腳嘅運動場都唔知可以去邊，行人路已經多人，仲周圍都係人車爭路，成區真心痴線」、「我都係由細到大住大埔，婚後搬左去將軍澳，純粹講居住環境，我都係鍾意大埔多D，不過宜家返放工慳左好多時間又真係冇得頂」。
有網民就認為荃灣及沙田的居住條件比大埔好得多。
雖然有網民認為元朗居住條件比大埔好，但迅即被其他網民反駁，話元朗太多人。
text/Joyce
photo/HKET圖片庫
============
同場加映：
【蝸居睇樓團】沙田舊樓變美式鄉村風二人世界！隱藏門解決五門歸心！
港生活人氣本地熱話
↓【限時搶⚡】原箱高鈣梳打餅↓
↓黑芝麻 / 芥末味｜口感香脆、高鈣健康↓
【請您去】iSQUARE國際廣場「爆」趣童玩之旅💥
↓ Striking爆炸糖Strikids(爆炸仔)小隊✨ + 本地懷舊玩意元素🙌 ↓
